08.01.2015 (Navio Vicente) (part. Michelle)

Mi so na kamarim sentod, depos dum show katinha kurrid drete
N tava deskonsentrod, unton N eskese letra por komplete
Tem dias k kred, parse k tud o kbo pta mon ta sei mas mal fete
Nton N tava ket, k eskutador na uvid ta spia pa tete
Kont di repenti entra um senhora vestid prete,
Insisti pa fala kel hora, mi ta pensa na txema seguransa pa pol la fora
N dal log papo-rete, Dona fote no t tral ote hora, podi ser manha di sedi
Do nada el ta 2 poze, txega pert e brasam sem jete
Di repente el ta mei di nhas broze, moda kem tita spia akonxegue
N gaje spia sum gaje t konxel, kabesa el ta pudi na nha peite,
Moda kem já otxa apegue, moda kem já otxa susegue
Kolod na mim, enkuant nha sentimente é miste
Part di mim kre f`gi, kel ot metadi kre brasal rije
N uvil ta kanta baxim, el morna di Tito Paris
É tava dze assim, num melodia triste

Kel bark já perdé, la na fundo di oseane,
Se korpe vra terra, se alma é ilha
El perdi na mar, é nos ki fika li
Jal perdi na fundo, la na mar, é nos ki fika li
Jal perdi na mar, é nos ki fika li
Jal perdi na fundo, la na mar, é nos ki fika li

K agua na oi, el kontam sobre “Navio Vicente”
Kel bark é bai pa fundo, la pa banda di fogo, já tem um tempe
E morte leval se maride, nes asidente, fka so dor e so lamente
Nem sequer es otxa korpe, es ka nem um interre desente
El dzem enkuant bo ka interral, bo katem susegue par denti
É moda se ker dor fka interrod, li denti di bo peite eternamente
E el t matob lentamente, sum ta podi interral, serteza Ndinha es sofrimente
Na se voz tinha um tristeza, ma se revolta era mas
Unton N perguntal se kel empresa, devera txega indemnizas
Ses asumi kes despezas, el dzem: no ta li tude ta esperas
Es dá foi um minute di silensio na konselho di ministro k pa honras
Minute di silensio pakem dzem se foi nos silensio é matas?
Enkuante no ta li kalode, bo podi kre ta bem morré mas
Kes 15 pessoa é morré, es ka morré mot bark fundas
Es morré mot mei di salvamente é ineficaz

Boa Noite, 11 sobreviventes e 3 mortos, é até agora o balanço do naufrágio do Navio Vicente, ocorrido ontem a noite, ao largo do porto da Barca baleira, no Fogo. O Navio trazia a bordo 26 pessoas, entre tripulantes e passageiros, e ainda uma criança na casa dos 4 anos, ao que tudo indica morreu, nos braços do próprio pai.

Estrela pagá, xei di dor di amargura
Oseane eskuresé, é nos ki fika li, xei di dor
Jal perdi na mar, é nos ki fika li
Jal perdi na fundo, la na mar, é nos ki fika li
Jal perdi na mar, é nos ki fika li
Jal perdi na fundo, la na mar, é nos ki fika li

N oia dor na kada lagrima é pinga dona se roste
El txora ta brada Mar, moda se Mar é se desgoste
Se txor era melankoliku, se dor tava la exposte
K bo t faze kont bos memoria é bos mostre?
Lembram kel Pai, k se fitxe morrel fogod na broze
Depos mar leval pa longe di se ragoze
Komo Pai N ta rekuzá imaginá es doze
Di dor e sofrimente, di kurasão fete padoze
El dzem faze um muska sobre “Navio Vicente”
Fala des injustisa des gente, Pa nos k fitxe di pobreza
Fala des Mar k nos rikeza, ma também k nha tristeza